萬豪旅享家目前在香港以九龍的麗思卡爾頓及港島的瑞吉酒店定位最高，價格當然不菲，就算用萬豪積分最少也要70000分，無乜特別嘢都係去唔起，不過如果有慶祝活動例如生日、週年紀念以至婚嫁出門，肯定係最佳選擇！今日為大家分享一下在Ritz-Carlton 的Premier Executive Suite的慶祝生日staycation之旅！
辦理入住：
酒店樓高118層，地面升降機只能到103樓，記住部升降機係自動default去103樓不用按樓層。訂套房或者行政房的住客除咗可以響大堂Check-In，仲可以到116樓行政酒廊Check-in，因為同層有Spa所以電梯對外開放。一入到行政酒廊，職員十分親切有禮，安排坐位仲不忘送上香檳一杯，靜靜坐著，看著居高臨下嘅維港景色，享用完下午茶，房間亦都準備好。
客房介紹：
房間安排在112樓面向維多利亞海港套房，外望全維多利亞景與及港島西一帶，可同日欣賞日山及日落景色，屬於整座酒店最好的景觀之一。房間賣點是擁有1200尺面積，空間感十足，客廳很大，客廁在門口旁邊，電視是smart TV，還有Wii遊戲機供住客在入住期間享用（供應視乎入住當日情況而定），唯一不足之處是沒有飯枱。睡房是一張King size床，重點當然是設計及拐角窗外的180維港景色，浴室很大，浴缸正向維港景色，不過記得浸浴前記得關好窗簾。風筒是dyson，備品稍為遜色。
貼心位置：
這𥚃沒有24小時管家服務，但卻有非常專業的服務。訂房後很快會收到電郵，告知入住注意事項，並提前了解入住的人數、到店時間及其他需求，仲可以幫忙預約餐廳與及游泳池時間。
房間方面，會按照客人人數安排備品及浴袍，如果帶小朋友嘅仲會提供藍色或粉紅色浴袍、毛巾同埋小朋友備品。衣帽間亦放置好多個袋方便客人收拾衣物。晚上開夜床亦都係香港酒店最得最全面之一。由於生日關係，今次收到蛋糕、小獅子及紅酒等的amenities ，酒店亦會跟據客人入住目的安排不同的amenities 供客人一個滿意的入住體驗，每次都唔同㗎。
餐飲、行政酒廊及其他房型、設施會在稍後的帖給大家分享，敬請留意。
總結：呢個房型之所以大受歡迎，除左景色同房間本身之外，還有club lounge access也是非常重要，大家可以留意一下每月八號的萬豪會員日，價錢可以低至$6000加一。重點：記得較鬧鐘睇日出日落，浸浴前關好窗簾。
喜歡的請按讚好及follow！謝謝！
留言
發佈留言