Day 1: Mandarin Oriental 中環文華東方
Day 2: The Upper House 金鐘奕居
Day 3: Harbour Plaza Metropolis 紅磡都會海逸
Day 4: Marco Polo Hong Kong 尖沙咀馬可孛羅
以下用MO, Upper House，都會海逸同MP作簡稱。
四間酒店Staycation資料如下：
🌲MO：HSBC Visa Signature Card優惠 $1975皇后像廣場客房，包雙早 及$500餐飲額度，Fans of MO 會員待遇選了$400餐飲額度及周年慶祝禮遇，到店升級至套房。
🎄Upper House：Kloor限時搶$3020 奕居套房，包Salisterra雙早、Maxi Bar及The Continental 晚餐。
🌲都會海逸：KKday限時搶$770 升級高級套房，包$500餐飲額度。
🌲MP：Trip限時搶$1488升級高級套房，包$1100餐飲額度，GHA會員待遇送早及升級至豪華海景套房。
以價錢及星級來比，看似不公平，但最後結果卻出乎意料。
🚗酒店位置：
四間酒店都十分方便，都響港鐵站附近。當中以MP位置最優秀，位於海港城，踏出酒店就充滿聖誕氣氛，吃喝玩樂購物都十分方便！
MP ❤️ x 1
🏠客房設計：
酒店全部套房開積，各有特點。
🌲MO設計古典，以雲石及古典古材營造高雅氣氛，最愛客廳外望signature 皇后像廣場景，唯一不足就是睡房沒窗及樓底不高，略為侷促。
🌲Upper House設計很溫暖很有homie感覺，一入到去就好似返到屋企咁，客廳又大又舒服，電視任播電影，又可以AirPlay。唯一不足就係樓底不高，沒有客廁，及浴室需要保養一下。
🌲都會海逸設計比較老氣，房間不大但布局分明，經過走廊可以去到浴室及睡房，另一邊是客飯廳，有一張圓形飯枱，最特別係備有一個廚房，內有煮食爐、微波爐及冰箱。定位比較似Service apartment ，保養還是可以。
🌲MP設計也是屬於老氣，但老而彌堅，客廳十分大方得體，三邊沙發配上六人大圓餐枱，mini bar設在一旁，小走廊經過洗手間及浴室來到睡房區及衣帽間，整間客間空間感強，如果重新裝修一下必成大熱。
綜合以上，本人最愛是...
Upper House ❤️ X 1
🛏️睡眠質素：
酒店全部King Size 大床，不得不說，MO同都會海逸同樣舒服，至於Upper House大床有下墮，MP床單有少少污積，扣左少少分。
MO ❤️ X 0.5
都會海逸 ❤️ X 0.5
🛁浴缸特色：
酒店全部配有浴缸，有好有壞。
🌲MO浴缸出曬名正，滿分，足夠兩個成年人一齊浸，不過電視就好古董下。記得皇后像廣場景觀套個浴缸對住對面大廈，要關好窗簾先好除衫，仲有需要浴鹽要提早問定。
🌲Upper House個浴缸都係好出名，不過size比MO個細一截，一個人都伸唔直哂隻腳，而且浸落去啲位起角唔太舒服，正式好睇唔好浸，不過個電視收藏係鏡裡面，設計幾好，仲配備好浴鹽。夜晚浸記得關好窗簾呀。
🌲都會海逸個浴缸同我之前介紹過果間最佳盛品一樣，唔好話浸，連企浴都想快啲走。首先浴缸有頭髮，膠邊有污漬，熱水等5分鐘先出，水龍頭有鐵鏽...
🌲MP個浴缸就正正常常咁，夠我伸直隻腳，不過唔開始一瓶沐浴露都無比囉。
就以上幾個，本人最愛是...
MO ❤️ X 1
🪟窗外景觀：
酒店全部景觀都算開揚。
🌲MO安排了10樓，中層向皇后像廣場景觀，早晚景色都十分出色，住過就知有幾正，香港夜色真美，如詩如畫。
🌲Upper House安排了42樓，客廳向海全景，景觀正正同JW一樣，不過因為樓層更高，更為開揚。
🌲都會海逸安排了頂樓，房間正面向紅館頂部，左邊望到維港景色，夜景絕對係一線！
🌲MP也安排了頂樓，房間正面向維港，與中間signature 停車場景型成對比，右望ICC，到店天氣不好，本身沒什麼期待，到旁晚時份天空突然出現紫紅色天空，配合維港、渡輪、帆船、停車場，此情此景畢生難忘！
個人最愛是景觀...
MP ❤️ X 1
🍱餐飲服務：
酒店全部都有包餐飲：
🌲MO套餐包雙早及$900 餐飲額度，早餐可以去Cafe Causette食set或者Clipper Lounge食自助早餐，今次選擇左自助早餐，服務可以但野食比上次六月少左選擇。上次有燒賣、士多啤梨同聖培露氣泡水，但今次唔見。
餐飲額度用在Cafe Causette晚餐及房內午餐，Cafe三道菜Set個牛扒好好食，海南雞好滑，房內叫左卡邦尼同印尼炒飯，都好出色。唯一不足就係Cafe Causette服務員比較忙，無人refill 水。
🌲Upper House套餐包Salisterra雙早、房內Maxi bar、爆谷及The Continental晚餐。早餐以套餐形式，共有6個選擇，當中以Charcuterie 最出色，意大利芝士配上Cold Cut、沙律，再加杯Cappuccino同無敵海景，好正。仲有，餐廳氣氛同環境好正。
房內Maxi Bar除咗紅、白同汽酒之外，其他都免費享用，爆谷有三種味道，辣味、焦糖同原味，以辣味最為出色，客人可在下午3至6或9至12任點任叫。
The Continental 晚餐係今次Staycation中最滿意，所有服務員都十分之重視客人，服務態度好好，食物從面包、頭盤、主菜到甜品都處理得好好，最後仲送左個週年紀念甜品，真心好滿意。
🌲都會海逸套餐包$500餐飲額度，原本打算下午去食千鶴日本料理，但由於行程有變只能改成外賣回房內享用。$500不多只叫了加洲卷、牛肉烏冬、及日式豆腐，味道好好，有機會下次一定會去試吓放題。
🌲MP套餐包$1100餐飲額度，本身是GHA鈦金會員，會員送早可樓下食或者當$261.8食in room 早。
晚餐叫左牛排、意粉等，幾好食，但係遲左45先到。早餐煙三文魚Bagel，好食，不過早左兩個鐘到，又漏咗一份...
綜合以上，最好的餐飲是...
Upper House ❤️ X 1
✅總括而言，四間酒店所得❤️❤️如下：
Upper House ❤️❤️
MP ❤️❤️
MO ❤️ X 1.5
都會海逸 ❤️ X 0.5
Macropolo 得分跟Upper House相同，出乎意料之外，價錢平一截亦都令佢經常滿房嘅原因
如對以上酒店及Staycation有任何查詢，可留言或Pm我。以上比較純屬個人意見。
Merry Christmas 🎄
☝️重點：全部都滿意啦！
👍喜歡的請按讚好及follow！謝謝！
#upperhouse_hkg #mo_hkg #marcopolohongkong #harbour_plaza_metropolis #旅享藝術家 #TravelArtelier #Rayson帶你四圍玩 #RS151
留言
發佈留言