⚠️IHG Diamond鑽石會員⚠️到底有乜待遇？

 話說最近hit爆話題除左有得返鄉下之外，就係IHG 一秒升鑽Diamond。身為鑽石大使幾年(之前叫致悅)既我，分享一下鑽石會員入住香港IHG酒店時既待遇比大家參考下。

香港IHG集團目前有9間酒店營運中，除左灣仔Indigo未住過之外，其餘都有入住過。鑽石會員待遇總結如下:

⭕️尖東海景嘉福洲際:

✅入住歡迎禮二選一

     🅰️迎賓飲料劵兩張及果盤

     🅱️Café on M雙人自助早餐

✅視乎房態延遲退房至下午2時

☕️住後感: 酒店略有年代感，保養得幾好，全海景係一個賣點。鑽石沒有保証升房，套房更加唔好強求，記住!

海景嘉福水果盤

⭕️銅鑼灣皇冠假日酒店:

✅入住歡迎禮二選一

     🅰️雙人早餐套餐(提供外賣餐盒或於Club@28享用)

     🅱️雙人行政待遇，中午12時至晚上8時於Club@28提供全天候飲品及下午5時至8時享用歡樂時光小食及酒水等

✅水果盤

✅視乎房態延遲退房至下午2時

☕️住後感: 酒店服務滿意，裝修Keep得好新，馬場景真係一絕，鑽石可升房至馬場景觀房(視房態)，缺點就係價格略高，最平都要$1100!

銅鑼灣皇冠假日行政待遇@Club28

水果

⭕️將軍澳九龍東皇冠假日酒店:

✅入住歡迎禮包括尚廚雙人自助早餐，迎賓禮品包及$100餐消費額

✅視乎房態延遲退房至下午3時

☕️住後感: 酒店服務每況愈下，之前致悅入住會提供行政酒廊可上48/F享用酒水及歡樂時光，現在不再提供。房間還是不錯，柴房都有3百幾尺，景觀以樓景及市景為主，遠眺山景，鑽石可升房至高層44平米的尊貴房有弧形大窗及靚靚浴缸(視房態)，缺點就係早餐!

九龍東皇冠假日迎賓包

⭕️尖沙咀金域假日酒店:

✅入住歡迎禮包括Bistro on the Mile雙人自助早餐及迎賓飲料

✅水果盤

✅視乎房態延遲退房至下午2時

☕️住後感: 酒店服務滿意，鑽石一般可升房至Premier Plus新裝修客房，景觀一面對著麼地道面向K11，另一面面對後現代石屎壁牆，缺點就係沒有浴缸與及景觀，早餐我一直覺得不錯!

⭕️銅鑼灣、旺角、觀塘CBD2及將軍澳九龍東智選假日酒店:

✅入住迎賓禮品包

✅視乎房態延遲退房至下午2時

☕️住後感: 4間智選當中，地點最方便就係銅鑼灣及旺角，房間最整潔一定係觀塘CBD2，因為開業才三年多。早餐方面，無論會員與否都包雙人早餐。一般來說，鑽石會員入住酒店都會安排最好的房間在較高的樓層。會員識別起碼會有一包歡迎鑽石會員入住。

💪另外有谷友問，外國刷IHG有無提意? 疫情前本人到過日本，台灣等地住過IHG，感覺都十分良好，台南大員皇冠假日仲升級左去日式套房，有塔塔米瞓架。而家就期待你地既分享。

#RS486