香港萬豪系咁多間酒店，間間都可以唔識，唯獨沙萬你一定要識。年初人人跑50晚，5N+1，沙萬人頭湧湧，Club lounge搬落地下大堂日日排成粒鐘瘋搶白糖糕、頽粉同沙檳，白頭哥日日搶頭位、每人兩膠盒裝完又排過，仲有仲有，Momo Café早餐打蛇餅，搶包山、肥牛生食等等，仲係我腦海中歷歷在目。情天霹靂，忽然被通知要將我地既大本營讓比姐姐，大家感覺如何呢?
今日回憶一下我在沙萬刷房的日子。
🛀客房介紹：
房間大家都住過，最大係600呎行政套房，遠眺馬場對岸城門河，高層採光好低層略暗，房間好洗好用。唔夠500呎既開放式套房景觀最正，弧形窗可以欣賞城門河日落景色，29樓係我既最愛，浴缸勁Chill。柴房除左工廠景之外，都係無浴缸，不過比起其他酒店，空間夠大且十分舒適。要住的話，首推開放式套房，真係舒服到不得了。
🥂餐飲體驗：
酒店餐飲幾年前真係做得唔錯，我有幫襯自助餐，啲龍蝦幾好食架，仲有之前個Club Lounge真係好正，30樓有view野食唔hea。不過而家評語很差，去過既就知，尤甚個Club Lounge，有雞翼都要睇你搶唔搶到。不過唔緊要啦，佢都轉去做姐姐，一日三餐650。
✅總結：經典營地，入CAMP首選。希望快啲重開，我地下年仲要保級架。
☝️重點：由今年12月1日起酒店轉作外傭隔離酒店之作。
👍喜歡的請按讚好及follow！謝謝！
#courtyardshatin #staycation #Rayson帶你四圍玩 #RS108
留言
發佈留言